#पश्चिम #राजस्थान #मिरची बडा

"राम राम सा"
"पधारो म्हारो देस" असं म्हणत हा "रंगीलो राजस्थान" अत्यंत आनंदाने आपले दोन्ही बाहू फैलावून नेहमीच आपल्या स्वागतास सज्ज असतो...आणि राजस्थानच्या बाबतीत हेच मला कायम भावत आलेलं आहे.माझंच काय पण जगभरातल्या पर्यटकांचे हे पसंतीचं पर्यटनस्थळ आहे..
भारतीय संस्कृतीचा पाया असलेली सिंधू संस्कृती ही राजस्थानच्या काही भागात विकसित झाली होती.आजही यांच्या खाणाखुणा सापडतात.तर अशी ही राजांची भूमी,मरु भूमी ,राजपुताना प्रदेश...जरी वाळवंटातील भूमी असली तरी नैसर्गिक सौंदर्य, विविधरंगी संस्कृती, ऐतिहासिक स्थळे या भूमीला सूर्याच्या दाहकते पासून दूर करत चंद्राची शीतलता प्रदान करतात..राजस्थान म्हणजे भव्यदिव्यराजमहाल,पुष्करण्या,हवेल्या,
छत्र्या,मंदिरे, रंगीबेरंगीबांधणी,भव्यकिल्ले,उंट
कला आणि लोकसंगीताचा अजोड मिलाफ..उत्साहाचा झरा नुसता...आणि चमचमीत खाद्यपदार्थ,मिष्टान्नांची मेजवानी त्याचबरोबर शाही आदरातिथ्य..
जेवढा दुधातूपाचा हात सोडून ,diet ची चिंता सोडून मुबलक वापर करणारा हा प्रदेश..तेवढेच चमचमीत पदार्थ देखील यांच्या मेनू कार्डवर आपल्या रसना तृप्त करण्यासाठी दिमाखाने हजर आहेत..
या मेनू कार्डवरील एक चमचमीत,Street food म्हणून ओळखला जाणारा पदार्थ म्हणजे *मिरची बडा*..अहाहा..नुसत्या वासानेच या हिरव्यागार भावनगरी मिरची बड्याच्या प्रेमात पडतो माणूस..
चला तर मग आपणही या भावनगरी मिरचीचा मिरची बडा बनवून या चमचमीत रेसिपीचा प्रेमाने आस्वाद घेऊ या..