प्रथम सर्व सामग्री जवळ ठेवावी.रवा मैदा चाळून घ्यावा. दूध साखर एकत्र करून विरघळून घ्यावी.

रवा मैदा एकत्र करून त्यात मीठ टाकावे. नंतर तूप चांगले कडकडीत गरम करून त्यात टाकावे.आधी चमच्याने मिक्स करून घ्यावे.

त्यानंतर हाताने तूप रवा मैद्यात चांगले चोळून घ्यावे, जेणेकरून त्याची मूठ बनेल. त्यानंतर दूध साखर मिश्रण केलेले होते, त्याने पीठ खूप कडक नाही, पण सैल पण नाही असे भिजून घ्यावे. व अर्धा तास झाकून ठेवावे. अर्ध्या तासाने पुन्हा चांगले मळून घ्यावे.

आता त्यातील एक मोठा गोळा घेऊन जाडसर पोळी लाटावी.त्याची आवडेल त्या आकाराचे शंकरपाळे कापावे. अशाप्रकारे सर्व शंकरपाळे तयार करून घ्यावे.

गॅस सुरू करून गॅसवर कढई ठेवून त्यात तळण्याकरता तेल टाकावे. व शंकरपाळे सोनेरी रंगावर येईपर्यंत तळून घ्यावेत.

अशाप्रकारे सर्व शंकरपाळे झालेले आहेत. मस्त खुसखुशीत शंकरपाळे खाण्यासाठी तयार आहेत.