प्रथम चित्रात दाखविल्याप्रमाणे सगळे साहित्य घ्यावे.एका बाऊल मध्ये अंडी फोडून त्यात काळीमिरी पूड, लाल मिरची पूड,बारीक चिरलेली कांद्याची पात व हिरवी मिरची घालून फेटून घ्यावे. एका स्टीमरमध्ये फेटलेली अंडी १०-१२ मिनिटे वाफवून घ्यावी. थंड झाल्यावर त्याचे चोकोनी तुकडे कापून घ्यावेत.

आता मैदा, कॉर्नफ्लोअर, काळीमिरी पूड व मीठ याची एकत्रित पेस्ट करून घ्यावी. अंड्याचे तयार तुकडे त्यात घोळवून तेलात खरपूस तळून घ्यावे. आणि एका प्लेट मधे काढून घ्यावे.

स्टर फ्राईड एग्ग्स विथ ओरिएन्टल वेज्जीस बनविण्यासाठी प्रथम चित्रात दाखविल्याप्रमाणे सगळे साहित्य घ्यावे. आता एका पॅन मध्ये तेल घेऊन त्यात सर्वप्रथम बारीक चिरलेला लसूण व आले घालावे. नंतर त्यात हिरव्या मिरच्या, पातीचा कांदा, भोपळी मिरची व कांदा घालून व्यवस्थित स्टर करून घ्यावे. आता त्यात सोय सॉस, रेड चिली सॉस, सेजवान सॉस, व्हाईट विनेगर, टोमॅटो केचप घालून पुन्हा एकदा छान परतवून घ्यावे.

आता त्यात कॉर्नफ्लोअर स्लरी घालून परतवून घ्यावे. ग्रेवी थिक होईपर्यंत परतत राहावे. नंतर त्यात अंड्याचे तळलेले तुकडे घालून एकदा छान सगळे सॉस कोट होईपर्यंत स्टर फ्राय करून घ्यावे. वरून बारीक चिरलेली कांद्याची पात घालावी.