प्रथम अर्धा कांदा बारीक चिरून घ्यावा व उरलेला अर्धा कांदा व टोमॅटो याची प्युरी करावी. सिमला मिरचीचे उभे पातळ काप करून घ्यावे. इतर सर्व साहित्य वाटी मध्ये काढून घ्यावे.

गॅसवर एका कढईत तेल गरम करायला ठेवावे. त्यात खडा मसाला व हिंग घालावा.

त्यात जीरे, कडीपत्ता व आलं-लसूण पेस्ट घालून परतून घ्यावे.

कांदा घालून परतावे. त्यात हिरवी मिरची व कांदा-टोमॅटो प्युरी घालावी.

छान परतून घ्यावे. हळद व बेसन घालून परतून घ्यावे. आता त्यात तिखट घालावे.

जीरा पावडर, धणे पावडर व सब्जी मसाला घालावा.

मीठ व थोडे पाणी घालावे. आता दहि घालून सतत ढवळत रहावे म्हणजे दहि फाटणार नाही.

मशरूमचे काप, सिमला मिरची व मिरपूड घालावी.

दहि आंबट असल्याने थोडी साखर व मटार घालून परतून घ्यावे. झाकण ठेवून पाच मिनिटं भाजी शिजू द्यावी.

गॅस बंद करावा. भाजी हंडीत काढून त्यावर कोथिंबीर घालून गार्नीश करावे.