प्रथम तुरीच्या शेंगा स्वच्छ धुवून सोलून त्यातील दाणे काढून घ्यावे. कांदा, टोमॅटो व कोथिंबीर बारीक चिरून घ्यावे. इतर सर्व साहित्य वाटी मध्ये काढून घ्यावे.

गॅसवर एका कढईत तेल गरम करायला ठेवावे. तेल गरम झाले कि त्यात मोहरी, जीरे व हिंग घालावा.

आलं-लसूण पेस्ट व कांदा घालून परतून घ्यावे. कांदा लालसर झाल्यावर त्यात हळद घालावी.

चांगले परतून घ्यावे. त्यात टोमॅटो घालावा व झाकण ठेवून मंद आचेवर शिजू द्यावे. टोमॅटो शिजल्यावर त्यात तुरीचे दाणे घालावे.

तिखट, जीरा पावडर व धणे पावडर घालावी.

गोडा मसाला, मीठ व कोथिंबीर घालावी.

साखर घालून चांगले मीक्स करून घ्यावे व झाकण ठेवून मंद आचेवर शिजू द्यावे. पाच मिनिटांनी गॅस बंद करावा. उसळ हंडीत काढून त्यावर कोथिंबीर घालून गार्नीश करावे.