સૌપ્રથમ મુઠીયા માટેના બધા જ મસાલા એક બાઉલમાં ભેગા કરીને તેનો લોટ બાંધો.

હવે તેમાંથી નાના નાના ગોળ અથવા લંબગોળ આકારના મુઠીયા બનાવો. અને તેને ગરમ તેલમાં તળો. મુઠીયા તળતી વખતે સૌપ્રથમ ગેસ ની ફ્લેમ ફુલ રાખવી ત્યારબાદ ગેસ ની ફ્લેમ ધીમી કરી દેવી. અને ધીમા તાપે બ્રાઉન કલરના મુઠીયા તળવા. તેને સાઈડ પર રાખો.

ઉંધીયુ બનાવવા માટે ના શાક ધોઈને રેડી રાખો. તેમાં કાચા કેળા, શક્કરીયા અને રતાળુ ના મીડિયમ સાઇઝના કટકા કરવા તથા બટેકા અને રવૈયા માં વચ્ચે કાપા પાડી ને રાખવા.

હવે બટાકા તથા રવૈયામાં ભરવા નો મસાલો રેડી કરી લઈએ. તેની માટે ભરવાના મસાલાની જે સામગ્રી છે તે બધી એક બાઉલમાં લઈ અને બધું જ મિક્સ કરી દેવુ. અને તે જ મસાલો બટાકા તથા રવૈયા માં ભરવો.

હવે એક કુકર લઈ તેને ગેસ પર ગરમ કરવા મુકો. અને તેમાં મુઠીયા તળેલું જે તેલ હતું તે તેલ ઉમેરો.

તેલ ગરમ થાય એટલે તેમાં સૌપ્રથમ સુરતી પાપડી ઉમેરો ત્યાર બાદ તેમાં રતાળુ, કાચા કેળા, શક્કરીયા, બધાં દાણા ઉમેરો અને તેને થોડું હલાવો. ત્યારબાદ તેમાં બટાકા અને રવૈયા ઉમેરો અને ભરવા માટેનો જે મસાલો બનાવ્યો હતો તે મસાલો પણ તેમાં ઉપરથી ભભરાવી દો. આ મસાલાની ઉપર તળેલા મેથીના મુઠીયા મૂકો અને તેની ઉપર ફરીથી બાકીનો બધો ભરવાનો મસાલો જેટલો પણ વધ્યો હોય તે બધો જ ભભરાવી દેવો.

તેમાં આશરે પોણા થી એક કપ જેટલું પાણી નાખીને કુકર નું ઢાંકણું બંધ કરી દો. હવે ગેસની flame ફૂલ પર રાખી અને કુકરની એક સીટી કરો. ત્યારબાદ ગેસની flame low કરીને બેથી ત્રણ મિનિટ માટે રહેવા દો. ત્યારબાદ ગેસ બંધ કરી દો.

➡️ ખાસ નોંધ: લીલા લસણ નો લીલો ભાગ અને કોથમીર ના પાંદડા ને લઈને એક કપ જેટલી પેસ્ટ બનાવીને તે ઉંધિયું બની ગયા પછી છેલ્લે તેમાં ઉપરથી ઉમેરવાથી ઉંધીયા માં એક્સ્ટ્રા ગ્રીન કલર આવશે જે દેખાવમાં અને સ્વાદમાં પણ ખુબ સરસ લાગશે. આ ટોટલી optional છે.