સૌ પ્રથમ એક મિકિસંગ બાઉલ માં રવો,ચોખા નો લોટ અને ઘઉં નો લોટ મિક્સ કરવા.જો તમારી પાસે ઝીણો રવો ન હોય તો જાડા રવા ને મીક્ષી માં બારીક પીસી લેવો.હવે તેમાં સમારેલા મરચાં,સમારેલો કાંદો,કોથમીર અને મીઠું નાખી બધું બરાબર મિક્સ કરવું.

ચટણી બનાવવા હવે એક મિક્સર જાર માં 1/2વાટકી શેકી ને ફોતરા કાઢેલી શીંગ,1/2વાટકી દાળિયા,ત્રણ ચાર લીલા મરચા,1/2વાટકી દહીં,એક ટેબલસ્પૂન આંબલી,મીઠું સ્વાદ મુજબ,એક ઈંચ આદુ અને થોડું પાણી નાખી એકદમ ઝીણું વાટી લેવું.

ચટણી ના વઘાર માટે એક વઘાર ની વાટકી માં બે ટીસ્પૂન તેલ ગરમ કરવું.તેમાં 1/2ચમચી રાઈ,એક ચમચી અડદ ની દાળ,સાત આઠ કરી પત્તા અને એક લાલ સૂકું મરચું નાખવું.રાઈ તતડી જાય અને દાળ બ્રાઉન થાય એટલે ચપટી હિંગ નાખી આ વઘાર ચટણી ઉપર નાખી મિક્સ કરવું.

એક નોન સ્ટીક તવા ને મધ્યમ આંચ પર બરાબર ગરમ કરવો.ઢોસા ના ખીરા ને બરાબર હલાવી ત્રણ થી ચાર ચમચા ખીરું tawa પર ગોળ પાથરવું.તેના સરસ જાળી પડવી જોવે તે રીત નું પાતળું ખીરું રાખવું.તે નીચે થી બરાબર સોનેરી બ્રાઉન અને ક્રિસ્પી થાય એટલે તવેથા ની મદદ થી તેને 1/2 ફોલ્ડ કરી પ્લેટ માં કાઢી લેવો.આ રીતે ઢોસા બનાવી લેવા.શિંગ દાળિયા ની ચટણી સાથે આ ગરમ ગરમ ક્રિસ્પી રવા ઢોસા પીરસવા.