सर्वप्रथम एका वाटीमध्ये सब्जा सीड्स घेऊन ते भिजेल एवढे पाणी घालावे. 1 ते 2 मिनिटांमध्ये सब्जा सीड्सला फुगीरपणा आलेला दिसेल.

आता गॅसवर एका गंजात साखर घालून त्यात थोडे पाणी घालावे आणि साखर विरघळवून त्याचा पाक तयार करून घ्यावा. पाकाला थंड होऊ द्यावे.

आता अद्रक आणि हिरवी मिरची बारीक चिरून घ्यावी.

डाळिंबाचा रस एका ग्लास मध्ये घेऊन त्यामध्ये लिंबाचा रस टाकून मिक्स करून घ्यावा.

आता त्यात थंड झालेला साखरेचा पाक त्यामध्ये ओतावा. त्यानंतर त्यात भिजवलेले सब्जा सीड्स आणि बारीक चिरलेला अद्रक टाकावे.

शेवटी बारीक चिरलेली हिरवी मिरची आणि बर्फाचे तुकडे घालून ज्यूस व्यवस्थित शेक करून घ्यावा. सर्व्हिंग ग्लासमध्ये काढून थंडगार ज्यूस सर्व्ह करावा. तयार आहे लेमन-जिंजर पोमोग्रेनेट ज्यूस.