એક વાડકામાં બંને પ્રકાર નાં ઘઉં નાં લોટ, મીઠું અને તેલ ઉમેરવા. પાણી ઉમેરતા જઈ ને તેમાંથી કઠણ લોટ બાંધી લેવો. લોટને ત્રણ થી ચાર મિનિટ સુધી મસળવો. હવે લોટને ઢાંકીને ૧૦ મિનિટ માટે મૂકી રાખો.

હવે લોટમાંથી જાડી ભાખરી વણી લેવી. હવે ભાખરીને તેલ લગાડેલા ટીન માં ગોઠવીને ૨૦૦ ડિગ્રી પર વીસ મિનિટ માટે પ્રિ હીટેડ ઓવનમાં બેક કરી લેવી. બેક થયા પછી ટીન ને બહાર કાઢી એકદમ ઠંડા થવા દેવા.

સોસ બનાવવા માટે ટામેટાં ને ઉકળતા પાણીમાં ઉમેરી ૫ થી ૮ મિનીટ માટે બાફી લેવા. હવે તેની છાલ કાઢીને મિક્સરમાં વાટીને પ્યુરી બનાવી લો. એક પેનમાં તેલ ગરમ થાય તેમાં અજમો ઉમેરવા. હવે તેમાં તજનો પાઉડર, લવિંગ નો પાઉડર, લાલ મરચું, હળદર, મીઠું, ખાંડ ઉમેરીને બધું બરાબર હલાવી લેવું. મીડીયમ ગેસ પર થોડું જાડું થાય ત્યાં સુધી પકાવવું.

તૈયાર કરેલા સોસને બેક કરેલી ભાખરી પર પાથરી તેના ઉપર ઝીણા સમારેલા કેપ્સિકમ મુકવા. હવે તેના પર પનીર છીણી ૧૮૦ ડિગ્રી પર ૧૦ મિનિટ માટે પ્રિ હીટેડ ઓવન બેક કરી લેવા.

રેડી છે ભાખરી પીઝા હેલ્ધી બધા ના ફેવરિટ.