દૂધ ને ઉકડવા મૂકો અને સાથે બીજા ગેસ પર એક પેન માં ખાંડ લઈ એને ઓગળવા દો. ખાંડ ઓગળે અને બ્રાઉન કલર ની કેરેમલાઈઝ થઈ જાય એટલે ગેસ બંધ કરી દો.

દૂધ ઊકળવા માંડે એટલે તેમાં ફટકડી પાઉડર નાખીને સતત હલાવતા રહો થોડી વાર માં દૂધ ફાટી જશે જો જરૂર પડે તો એક ચપટી જેટલી ફટકડી ફરી ઉમેરી શકાય.

દૂધ ફાટી જાય એટલે તેમાં પેહેલે થી બનાવેલી ખાંડ ની બ્રાઉન ચાસણી ઉમેરી લેવી જેથી બહાર જેવો જ થાબડી પેંડા નો કલર આવી જશે.

ચાસણી બરાબર મિક્ષ કરી દૂધ નું પાણી સાવ બળી ના જાય ત્યાં સુધી ફૂલ ગેસ પર હલાવતા રહો. પાણી બળી જાય પછી તેમાં ઇલાયચી પાઉડર તથા ઘી ઉમેરી મિક્ષ કરો અને બે મિનિટ પછી ગેસ બંધ કરો.

મિશ્રણ ને એક પ્લેટ માં કાઢી સાવ ઠંડુ થવા દો. ઠંડુ થયા પછી હાથ માં ઘી લગાવી મિશ્રણ માંથી પેંડા વાળી તેને બદામ થી સજાવી સર્વ કરો.