સૌપ્રથમ બટાકાને સારી રીતે ધોઈ. પ્રેશર કૂકરમાં એક ગ્લાસ પાણી તેમજ મીઠું નાખી અને બાફી લેવા.

ગેસ પર એક પેનમાં એક ચમચો તેલ નાખીને દાબેલીનો મસાલો તેમાં નાખીને બરાબર મિક્સ કરવું. તે મસાલા ને મેશ કરેલા બટાકા માં નાખીને બરાબર મિક્સ કરવું.

ત્યારબાદ તેના પર મસાલા શીંગ, ડુંગળી, દાડમ,કોથમીર અને મરચાં ભભરાવવા. ત્યારબાદ તેને બરાબર મિક્સ કરવું.

ત્યારબાદ પાઉંને ક્રોસ માંથી કટીંગ કરીને તેમાં આંબલીની ચટણી અને ગ્રીન ચટણી લગાડવી. ત્યાર પછી તેમાં તૈયાર કરેલો મસાલો ભરીને તેના પર સેવ છાંટીને બરાબર પ્રેસ કરવું.

ગેસ પર તવી ગરમ કરીને બટર લગાવીને દાબેલી ને ચારે બાજુ શેકી લેવી.

ગરમ ગરમ દાબેલી ને આંબલી તથા ગ્રીન ચટણી સાથે સર્વ કરવી.

આમલીની ચટણી માટે આંબલી તથા ખજૂર ને 1/2 કલાક ગરમ પાણીમાં પલાળવા. પલળી ગયા પછી તેના ઠળિયા કાઢીને બ્લેન્ડર મારી ને ચાળણીમાં ગાળી લેવું. ત્યારબાદ તેમાં મીઠું, ચટણી, ગરમ મસાલો નાખીને બરાબર મિક્ષ કરીને તેના પર કોથમીર ભભરાવવી.

ગ્રીન ચટણી માટે મરચા,કોથમીર અને આદુ ને સારી રીતે ધોઈ અને સમારી લેવા. ત્યારબાદ મિક્સર જારમાં શીંગદાણા, મરચાં,આદું કોથમીર, ખાંડ,મીઠું અને લીંબુ નાખીને ક્રશ કરવું.

આંબલીની અને ગ્રીન ચટણી સાથે ગરમ દાબેલી સર્વ કરવી.