રુમ ટેમ્પરેચરવાળી વ્હાઈટ ચોકલેટને એક ગ્લાસ બાઉલમાં નાના ટુકડામાં સમારીને લેવી. તેને 20-20 સેકન્ડના બ્રેકમાં માઇક્રોવેવ કરી લેવી. દરેક વખતે હલાવી મિક્સ કરવી. લગભગ 1 મિનિટમાં મેલ્ટ થઈ જશે. તેમાં અડધા ભાગની પાન, ટૂટીફ્રૂટી, બધી વરિયાળી ઉમેરી મિક્સ કરી લેવી.

વ્હાઈટ ચોકલેટ બહુ જ જલ્દીથી જામે છે. અને પાણીનો ભાગ લાગવાથી ટેક્સ્ચર ખરાબ થઇ જાય છે. તો કોઇપણ એસેન્સ,સીરપ કે ગુલકંદ મેં નથી ઉમેર્યો. ગુલકંદ ઉમેરવાથી મીઠાશ પણ વધી જાય છે. પણ તમને પસંદ હોય તો 1 ટેબલ સ્પૂન જેટલો ઉમેરી શકો છો. બનેલા મિશ્રણને ઝડપથી ચોકલેટ મોલ્ડમાં ભરી લેવું. 2-3 વાર ટેપ કરી મોલ્ડને ફ્રીઝરમાં 15 મિનિટ માટે સેટ થવા મૂકવું. પછી અનમોલ્ડ કરી સ્ટોર કરી લેવી.

બીજા એક બાઉલમાં રુમ ટેમ્પરેચર વાળી મિલ્ક ચોકલેટને નાના ટુકડામાં સમારીને લેવી. તેને પણ માઇક્રોવેવ કરી મેલ્ટ કરી લેવી.

તેમાં પાન સીરપ અને બીજો બાકી વધેલો પાનનો મસાલો ઉમેરી જલ્દીથી મિક્સ કરી મોલ્ડમાં ભરી લેવું. પાન સીરપ ઉમેરવાથી ચોકલેટનું ટેક્સ્ચર બદલાશે અને જલ્દીથી જામવા લાગશે. તો મોલ્ડમાં જલ્દીથી ભરી લેવી.

મોલ્ડને ફ્રીઝરમાં 15 મિનિટ માટે સેટ કરી ચોકલેટ્સ અનમોલ્ડ કરવી. આ ચોકલેટ્સ 10-15 દિવસ માટે ફ્રીઝમાં સારી રહેશે.