હવે એક પેન ગરમ કરો અને તેમાં ઘી ઉમેરો. હવે તેમાં દૂધ ઉમેરો અને બરાબર મિક્સ કરો. એક ઉભરો આવ્યા પછી તેમાં ફ્રેશ ક્રીમ અથવા મલાઈ ઉમેરીને બરાબર મિક્સ કરી લો. (નોંધ: લડ્ડુ બનાવવાની આખી પ્રક્રિયા દરમિયાન ગેસને સ્લૉ-મીડીયમ આંચ પર રાખો.)

ત્યારબાદ મિલ્ક પાવડર ઉમેરો અને ગઠ્ઠા પડે નહિ એ રીતે બરાબર મિક્સ કરી ને હલાવો. સતત હલાવતા રહો નહીંતર મિશ્રણ પેન ના બેઝ પર ચોંટી જશે. જ્યારે મિશ્રણ ઘટ્ટ થાય ત્યારે તેમાં કન્ડેન્સ્ડ મિલ્ક ઉમેરો અને મિક્સ કરો. મિશ્રણ ઘટ્ટ થાય અને તેનો રંગ ઘાટો થાય ત્યાં સુધી સતત હલાવતા રહો.

હવે તેમાં ચોપ કરેલી ક્રેનબેરી ઉમેરો અને મિક્સ કરો. જ્યાં સુધી મિશ્રણ પેન નું બેઝ ન છોડે ત્યાં સુધી હલાવતા રહો. હવે ક્રમ્બલ કરેલું પનીર ઉમેરો અને બરાબર મિક્સ કરો. જ્યાં સુધી પનીર નું પાણી બળી ન જાય અને મિશ્રણ પેન નું બેઝ છોડે ત્યાં સુધી કૂક કરો.

હવે તેમાં એલચી પાવડર નાખીને બરાબર મિક્સ કરી લો. મિશ્રણ માંથી ઘી છૂટું પડે ત્યાં સુધી મિશ્રણને કૂક કરો. હવે ગેસ બંધ કરો અને મિશ્રણને ઠંડુ થવા દો.