मिरच्यांचे देठ काढून घ्यावे... आलं आणि आंबी हळद चमच्याच्या किंवा पिलर च्या सहाय्याने सोलून घ्यावी... सर्व व्यवस्थित धुवून कोरडे करून घ्यावे... ह्या नंतर पाणी लागू देऊ नका...

आलं आणि आंबी हळदीचे ज्युलियन्स कापून घ्या... मिरचीचे गोल बारीक तुकडे करा...

सर्व जिन्नस काचेच्या किंवा प्लास्टिकच्या बरणीमध्ये भरा... धातूच्या बरणी चा वापर टाळावा... मग त्यात 1 टीस्पून हळद आणि साधारण एक टेबलस्पून मीठ घाला... बरणीचे झाकण लावून सर्व व्यवस्थित शेक करुन घ्या...

हे सर्व दोन दिवस मुरू द्या... दिवसातून दोन वेळा बरणी शेक करा... दोन दिवसानंतर जाळीच्या भांड्यामध्ये काढून त्यातले तयार झालेले मिठाचे पाणी निघून जाऊ दे... मग हे सुती कपड्यावर पसरून साधारण तासभर सावलीतच वाळू द्यावे...

राई डाळ मिक्सरमध्ये दरदरीत वाटून घ्या... आमच्याकडे लोणच्यामध्ये मेथी दाणे टाकले जात नाहीत त्याने लोणचं खराब होते असं मानतात...

तेल व्यवस्थित तापल्यावर त्यात हिंग, मीठ आणि धने व्यवस्थित परतून घ्या... मग राई डाळ घालून परता... गॅसची फ्लेम बंद करून मग हळद घाला... मीठ साधारण एक टिस्पून एवढाच घाला... आपण सर्व जिन्नस मिठामध्ये आधीच मुरवले होते त्यामुळे खूप मीठ लागत नाही...

आपले लोणच्याचे पुरण तयार झाले... हे थंड होऊ द्या...

वाळवलेले आलं, मिरची, आंबी हळद पुराणांमध्ये घालून व्यवस्थित मिसळून घ्या...

बरणीमध्ये भरण्यापूर्वी त्यात लिंबाचा रस घालून व्यवस्थित मिसळून घ्या... मग व्यवस्थित कोरड्या केलेल्या बरणीमध्ये भरा...