सर्व प्रथम चिकन मॅरिनेट करून घ्यावे.
चिकन 2/3 वेळा स्वच्छ धुवून घ्यावेत.

एक पातेल्यात तेल गरम करून त्यात बेसन हलकाच भाजुन घेणे. यात काश्मिरी लाल मिरची पुड घालुन छान परतून घ्यावे. हे मिश्रण थंड करायला ठेवणे.

चिकनला हळद पुड, धणेपुड, जिरेपुड, चिकन 65 मसाला, गरम मसाला, आल- लसुण पेस्ट लावा.चवीनुसार मीठ, मिरची पुड घालुन लिंबू पिळावा.

दही फेटून घ्यावे. भाजलेले बेसन वरील चिकनवर घालावे.कसुरी मेथी, चाट मसाला, लाल कलर घालुन चिकन एकजीव करून घ्यावे.
हे मॅरिनेट चिकन फ्रिजमधे 4/ 5 तास ठेवणे.

हे मॅरिनेट चिकन ग्रील करून घ्यावे. ग्रील करायचे आधी हे मॅरिनेट चिकन फ्रिज मधुन दिड तास आधी बाहेर काढून ठेवावे.नंतर चिकन ग्रील करून घ्यावे.

आता ग्रेव्ही ची तयारी करून घेणे.

पातेल्यात दोन पळी तेल गरम करून त्यात दिलेला खडा मसाला घालून परतावे. कांदा - टोमॅटो चिरून घालावा. हिरवी मिरची घालावी.किंचित मीठ घालून परतून घ्यावे. कांदा- टोमॅटो पटकन शिजला जातो.हे मिश्रण चांगले भाजुन घ्यावे. थंड झाल्यावर भिजवलेले काजु घालून हे मिश्रण मिक्सर मधून बारीक वाटप करावे. आपली ग्रेव्ही चे वाटण तयार.

पातेल्यात तेल आणि बटर गरम करून त्यातआलं लसूण पेस्ट घालून परतून घ्यावे. यात काश्मिरी लाल मिरची पुड, तिखट मिरची पुड, हळद,धणेपुड, जिरेपुड, गरम मसाला, घालून परतून घ्यावे.यातच मॅगी क्युब घालावी.

यात कांदा टोमॅटो चे वाटण घालुन छान परतून घ्यावे. तेल सुटले की मग चिकन चे फ्राय पीस घालुन 1/2 उकळी द्यावी.यात टोमॅटो केचप, क्रिम, कसुरीमेथी, चवीनुसार मीठ घालून सर्व मिक्स करून गॅस बंद करावा.
कोथिंबीर आवडीप्रमाणे घालावी.

तिखट मिरची पुड & मीठ घालतेवेळी चव बघून घालावे.
चिकन मॅरिनेट करताना मीठ - मिरची पुड आणि
ग्रेव्ही मध्ये मीठ - मिरची पुड यामुळे अंदाज घ्यावा.