સૌ પ્રથમ દાળ ને ૪/૫ કલાક પલળવા દો.પલળી જાય પછી તેને મિક્સર માં ક્રશ કરી લો.ક્રશ કરતી વખતે બને તો બહુ પાણી નો ઉપયોગ ન કરવો.

ક્રશ થઈ જાય પછી તેમાં જીરું, વાટેલા લીલાં મરચાં અને સ્વાદ મુજબ મીઠું નાખી જરૂર લાગે તો જ પાણી નાખવું.અને ખૂબ ફીણવું. ખીરું થોડું લચકા પડતું રાખવું.

હવે એક કડાઈમાં તેલ મૂકો ગરમ થાય ત્યાં સુધી વડા બનાવી લો.એક પ્લાસ્ટિક નો ટુકડો લઈ પાણી વાડો હાથ લગાવી ખીરાને તેની પર પાથરી ને ગોળ આકાર આપો ફરી પાણી વાળી આંગળી કરી વચ્ચે કાણું પાડો ધીમે થી હાથ માં લઇ ને તેલ માં નાખો આવી રીતે બધા વડા ને આછા બ્રાઉન થાય ત્યાં સુધી તળી લો.તો તૈયાર છે આપણા મેંદુ વડા.

હવે સંભાર બનાવા માટે સૌ પ્રથમ દાળ ને ધોઈ ને થોડીવાર પલળવા દો અને પછી બાફી લો.ત્યારબાદ કુકર માં બધા શાકભાજી ને બાફી લો.

હવે એક કડાઈમાં તેલ મૂકી તેમાં હિંગ, રાઈ, લીમડાના પાન નાખી વઘાર કરો પછી તેમાં દાળ નાખો અને થોડીવાર ઉકળવા દો ઊકળી જાય પછી તેમાં બધા શાકભાજી તેમજ મસાલા નાખી સંભાર ને ઉકળવા દો ઊકળી જાય પછી તેમાં સ્વાદ મુજબ સંભાર મસાલો નાખો અને થોડીવાર ચડવા દો.થઈ જાય એટલે ગેસ બંધ કરી દેવો.

તો તૈયાર છે સ્વાદિષ્ટ સંભાર.

અહીં મે વડા સંભાર ને લીલા નાળિયેર ની ચટણી સાથે સર્વ કર્યા છે.