સૌપ્રથમ મેંદા મા ખાવાનો સોડા,બેકિંગ પાઉડર, મીઠું અને ખાંડ તથા દહીં નાખી મીડિયમ કણક બાંધીલો.અને ભીના કપડાથી ઢાંકી ઓછા મા ઓછા 15 મિનિટ રેસ્ટ આપો.(સમય હોય તો વધુમા વધુ 3થી 4 કલાક રેસ્ટ આપી શકાય)

હવે બટાકા બાફીને મેશ કરીલો.તેમા ઝીણી સમારેલી ડુંગળી અને પુરણના બધા મસાલાઉમેરી પુરણ તૈયાર કરો આ પુરણના પાંચ ગોળા તૈયાર કરો.

કણકને ફરી કેળવી લઈ પુરણ ભરાય એટલો લુવો બનાવી પૂરી વણી લો.પુરણ ભરીને રોટલી વણી લો.

હવે ગેસ ચાલુ કરી તવો ગરમ થાય એટલે રોટલીને એક બાજુ પાણીથી ભીની કરી તવા પર મુકી દો થોડુ પ્રેસ કરો એટલે રોટલી તવાને ચોંટી જશે. તેના પર થોડી કોથમીર અને ચપટી લાલમરચુ પાઉડર ભભરાવો.મધ્યમ આંચ પર એમજ રહેવા દઇ ત્યારબાદ રોટલી સાથે જ તવાને ફુલ આંચ પર ઉલટો કરી બધી બાજુ એથી શેકી લો. હવે તવેથા થી કુલચો ધીમે ધીમે ઉખેડી લો. બર્નર પર મુકી તવા તરફની બાજુ થોડી શેકીલો. ઉપરથી માખણ ચોપડી લો.ગરમ ગરમ કુલચા સર્વ કરવા માટે તૈયાર છે