प्रथम राजम्यात मध्ये थोडं पाणी घालून त्यामध्ये सर्व खडे मसाले घालावे वेलची मिरी दालचिनी चक्री फुल लवंग वेलदोडा व कुकरला चार ते पाच शिट्ट्या कराव्या. कुकर थंड झाला की राजमाचे दाणे बाहेर काढून शिजले का बघावे

मग भाजीच्या कुकरमध्ये साजूक तूप घालून त्यामध्ये जीरे व हिंग घालावे व कांदा टोमॅटो आलं लसणाचे वाटण घालावं छान परतावं त्यामध्ये कसुरी मेथी हातावर चोळून घालावी हळद व राजमा मसाला घालावा मीठ व गूळ घालावं व तूप सुटू लागलं की शिजलेला राजमा त्यात घालून अर्धी कोथिंबीर घालावी व लागेल तेवढं गरम पाणी घालावं व कुकरचे झाकण लावून अजून चार शिट्ट्या कराव्यात

कुकर थंड झाला की झाकण काढावं व उरलेली कोथिंबीर त्यात घालावी गरम गरम भातावर हा राजमा व कच्चा कांदा अतिशय टेस्टी व सुंदर असं कॉम्बिनेशन होतं व टेस्टी लागतं हेल्दी असतं. माझ्या मसाल्यामध्येच तिखट असल्यामुळे वेगळं तिखट घालण्याची गरज नाही