कांदा आणि टोमॅटो बारीक चिरून घ्यावा. लसूण सोलून ठेचून घ्यावी.

कढई मधे तेल घालून गरम झाल्यावर त्यात ठेवलेला लसूण घालून ब्राऊन होईपर्यंत परतावा मग त्यात बारीक चिरलेला कांदा घालून खरपूस परतून त्यात बारीक चिरलेला टोमॅटो घालून परतल्यानंतर मालवणी मसाला, हळद आणि मीठ घालून परतावे.

कांदा टोमॅटो परतून त्यात पाणी घालून उकळून घ्यावे. कुळथाच्या पिठीमधे पाणी घालून मिक्स करून कालवून घ्यावे, त्यात गुठळ्या होणार नाहीत याची काळजी घ्यावी

उकळलेल्या कांदा टोमॅटोच्या मिश्रणात कोकम/आमसुले आणि पाण्यात कालवलेली कुळाची पिठी हळूहळू घालत सतत ढवळावे, म्हणजे पिठीमधे गुठळ्या होणार नाहीत. थोडावेळ उकळून पिठी शिजवून घ्यावी. आंबट तिखट अशी कुळथाची पिठी खायला खूप मस्त लागते.