प्रथम एका कढईत 1 मेजरिंग कप जवस घेवून ते चांगले तडतड आवाज येईपर्यंत परतून घेतले. आणि थंड करण्यासाठी एका बाउल मध्ये काढून घेतले. आणि थंड झाल्यावर मिक्सर मधून बारीक वाटून घेतले.

मग त्यात 1मेजरिंग कप सुके खोबरे 1 चमचा तूप घालून गुलाबी रंगावर भाजून घेतले. आणि थंड करण्यासाठी एका बाउल मध्ये काढून घेतले. व थंड झाल्यावर वाटून घेतले.

नंतर त्याच कढईत 1/4 मेजरिंग कप डिंक घालून तो चांगला फुलवून घेतला. आणि मिक्सर मध्ये बारीक वाटून घेतला.

मग त्याच कढईत तूप घालून 10 काजू, 10 बदाम चांगले परतून घेतले. आणि थंड होण्यासाठी बाजूला काढून ठेवले.

नंतर त्याच कढईत 1 चमचा तूप घालून, त्यात 1 मेजरिंग कप गव्ह्याचे पीठ घालून ते चांगले खरपूस होईपर्यंत भाजून घेतले. आणि थंड होण्यासाठी बाजूला काढून ठेवले. आणि त्यात 2 चमचे भाजलेले तीळ घालून, ते चांगले मिक्स करून परतून घेतले.

मग एका कढईत 1 चमचा तूप घालून त्यात 1.5 मेजरिंग कप गूळ घालून, तो चांगला वितळवून घेतला. नंतर त्यात बारीक वाटून घेतलेले जवस, सुके खोबरे,तळून घेतलेला डिंक, छान परतून घेतलेले गव्ह्याचे पिठ आणि 2 चमचे भाजून घेतलेले तीळ घालून घेतले.

आता सर्व साहित्य एकत्र करून,त्यात सुंठ पावडर, वेलची पावडर घालून ते मिश्रण पुन्हा चांगले मिक्स करून, थोडे थंड झाल्यावर लाडू वळून घेतले.

आणि सर्व्ह करण्यासाठी तयार आहेत आपले पौष्टिक जवसाचे लाडू. हे लाडू चवीला अतिशय सुंदर लागतात.