સૌપ્રથમ ઘઉંના લોટનું મીઠું અને તેલનું મોણ મિક્સ કરીને જરૂર મુજબ પાણી એડ કરીને પરાઠાનો લોટ બાંધી લો લોટને 20 મિનિટ માટે રેસ્ટ આપો

હવે સૂકા ધાણા વરીયાળી જીરું અને કાળા મરીને મિક્સરમાં વાટી લો પછી બાફેલા બટાકા લઇ ઝીણી સમારેલી ડુંગળી લીલા મરચાં કોથમીર લાલ મરચું ગરમ મસાલો આમચૂર પાઉડર અનાર દાણા પાઉડર મીઠું, અજમો અને પીસેલો મસાલો નાખીને બરાબર મિક્સ કરી લો

હવે લોટમાંથી પરાઠા કરતાં થોડો મોટો લુવો લઈને નાનીપૂરી વણી લો પછી તેમાં 2 ચમચી જેટલું પુરણ ભરીને બધી કિનારી ભેગી કરીને વાળી લો પછી અટામણ લગાવીને પરાઠો વણી લો

તવો ગરમ થઇ જાય પછી પરાઠાને તેની ઉપર મૂકીને શેકી લો એક બાજુથી થઈ જાય ત્યારે પલટાવી લો પછી ઘી લગાવીને તેને બંને બાજુએથી શેકી લો આ રીતે બધા પરાઠા તૈયાર કરો