સૌપ્રથમ કુકરમાં એક ગ્લાસ પાણી નાખો. પાણી ઉકળવા લાગે એટલે તેમાં સ્વીટ કોર્ન નાખો કુકર બંધ કરી અને ત્રણ સીટી વગાડો. બટાકાને બાફી છોલી અને મેસ કરી લેવા. કુકર ઠંડુ પડે એટલે સ્વીટકોર્નને બહાર કાઢી ઠંડો પડવા દેવો. તેના દાણા છૂટા પાડી લેવા. ચોપરમાં સ્વીટકોર્ન, મરચાં આદુ, કેપ્સીકમ ચોપ કરી લેવા. ત્યારબાદ તેમાં ડુંગળી ચોપ કરી લેવી.

હવે એક મોટા બાઉલમાં ચોપ કરેલા સ્વીટ કોર્ન, ડુંગળી, મેશ કરેલ બટાકા, છીણેલું પનીર, બ્રેડક્રમ્સ, ચોખાનો લોટ લઈ લો. હવે તેમાં સામગ્રીમાં દર્શાવ્યા પ્રમાણેના તમામ મસાલા, મીઠું તથા લીલા ધાણા નાખી દેવા.

બધું બરાબર મિક્સ કરી લેવું. હવે હથેળીમાં એક મોટા લુવા જેટલું મિશ્રણ લઇ તેમાં વુડન સ્ટીક મૂકી અને કબાબનો શેપ આપો. ફ્રાઈંગ પેનમાં તેલ ગરમ કરવા મૂકી દો. તેલ ગરમ થાય એટલે મીડીયમ ફ્લેમ ઉપર કબાબ તેલમાં નાખો.

ક્રિસ્પી તળવા માટે સ્લો ફ્લેમ કરી બંને સાઈડ ફેરવી અને તળવા. કબાબના એક ઘાણ ને તળાતા ૫-૬ મિનિટ લાગે છે. હવે તૈયાર થયેલા કબાબ ને ગરમ ગરમ સર્વ કરો