એક તપેલીમાં ખાંડ લઈ ખાંડ ડૂબે તેટલું પાણી ઉમેરી સાથે તેમાં કેસર અને ઈલાયચી ઉમેરી ખાંડ ઓગળે ત્યાં સુધી અને પછી એક થી બે ઉઘરા આવે પછી ગેસ બંધ કરી લો.

બીજી તરફ એક જાડા તળિયાવાળા વાસણમાં દૂધ લઈ તેમાં ખાંડ, કેસર, ઈલાયચી ઉમેરી તેને ઉકાળવા મૂકો. 10 થી 12 મિનિટ થઈ જાય પછી તેમાં તાજી બ્રેડ નો ભૂકો, ડ્રાયફ્રુટ ની કતરણ અને મિલ્ક પાઉડર ઉમેરી ફરી બીજી 7 થી 8 મિનિટ માટે વચ્ચે વચ્ચે હલાવતા રહીને ધીમા તાપે ઉકાળવા દો. આ ભાગનું દૂધ બળી જાય એટલે ગેસ બંધ કરી તેમાં હેન્ડ મિક્સી ફેરવી વધુ એક રસ કરી લો.

બ્રેડની ચારે તરફ કિનાર કટ કરી બ્રેડના ફોટામાં બતાવ્યા પ્રમાણે ટુકડા કરી લો. પછી એક કડાઈમાં ગરમ તેલ મૂકી તેમાં આ ટુકડાને ગોલ્ડન કલર ના થાય તે રીતે તળી લો.

હવે તેને તૈયાર કરેલી ચાસણીમાં મૂકીને બે સેકન્ડ પછી ફેરવી દો અને પછી ચીપિયા ની મદદથી બધી જ બ્રેડની સ્લાઈસ બહાર કાઢી લો.

હવે એક બાઉલમાં તૈયાર કરેલા શાહી ટુકડા ની ઉપર તૈયાર કરેલી રબડી ઉમેરો અને 3/4 કલાક માટે ઠંડુ કરવા રહેવા દો.

હવે એકદમ ઠંડા ઠંડા તૈયાર કરેલા શાહી ટુકડાને સર્વિંગ ડીશમાં લઈ ઉપરથી કાજુ, બદામ, પિસ્તા ની કતરણ, દૂધમાં પલાળેલું કેસર વગેરે ઉમેરીને ગાર્નિશ કરી સર્વ કરો.