પાલકને બ્લાંચ કરી તેની પ્યુરી કરી લેવી. ડુંગળી મરચું અને આદુ-લસણ ની એક પેસ્ટ બનાવી લેવી. એક પેનમાં તેલ ગરમ મૂકો તેલ ગરમ થાય એટલે ડુંગળી ની પેસ્ટ સાતળો. ત્યારબાદ તેમાં પાલકની પેસ્ટ ઉમેરો બરોબર મિક્સ કરી પાણી ઉમેરો.

પાણી ઉકળે ત્યારબાદ તેમાં રવો સ્વાદ પ્રમાણે મીઠું અને કિચન કિંગ મસાલો નાખી બધું પાણી શોષાઈ જાય અને રવો બરોબર ચડી જાય ત્યાં સુધી રાખો. ત્યારબાદ તેને ઠંડુ પાડી લ્યો.

સ્ટફિંગ માટે પનીર ખમણી લો તેમાં મોઝરેલા ચીઝ (ચીઝ ક્યુબ પણ ચાલે) ચાટ મસાલો સ્વાદ પ્રમાણે મીઠું કોથમીર ચીલી ફ્લેક્સ અને ઓરેગાનો ઉમેરી બરોબર મિક્સ કરી નાના નાના બોલ્સ વાળી લો.

હવે ઠંડા પડેલા રવાના મિશ્રણમાંથી એક મોટો બોલ બનાવી વચ્ચેથી થેપી તેમાં પનીર નો સ્ટફિંગ વાળો બોલ મૂકી કવર કરી આખો બોલ બનાવી લો. ત્યારબાદ અપમ પેનમાં તેલ મૂકી તેને શેલો ફ્રાય કરી લો ગરમાગરમ બોલ્સને સર્વ કરો.

બોલ્સ ને ડીપ ફ્રાય પણ કરી શકો.