முதலில் பனீரை 1 இன்ச் க்யூப்களாக நறுக்கிக் கொள்ளவும். பாதாம், முந்திரி, வால்நட், பிஸ்தா மற்றும் பேரீத்தம்பழங்களை நீளவாக்கால் மெலிதாக நறுக்கிக் கொள்ளவும்

ஒரு கடாயில் நெய் விட்டு நறுக்கி வைத்துள்ள அனைத்து உலர் பருப்புகள், பேரீத்தங் கீற்று, உலர் திராட்சை, தேங்காய்க் கீற்று ஆகியவற்றை சேர்த்து பொன்னிறமாக வறுத்தெடுக்கவும்

பின்பு அதே கடாயில் இன்னும் சிறிது நெய் விட்டு பனீர் துண்டுகளை போட்டு லேசான பொன்னிறமாக பொறித்தெடுக்கவும் (கவனம் தேவை: அதிக நேரம் பனீரை வறுத்தால் ரப்பர் போன்று கடினமாகி விடும்)

இப்பொழுது அதே கடாயில் நீர் ஊற்றி சர்க்கரை சேர்த்து கொதிக்க விடவும். இதில் வறுத்து வைத்த அனைத்து பொருட்களையும் சேர்க்கவும். அதனுடன் பட்டைத் தூள், ஏலக்காய்த் தூள் மற்றும் சுக்குத் தூள் சேர்க்கவும்

திக்காக வந்தவுடன் அடுப்பிலிருந்து இறக்கி விடவும் (குங்குமப்பூ மற்றும் ரோஜா இதழ்கள் கொண்டும் அலங்கரிக்கலாம்)