मसूरची पातळ भाजी
#लंच
मसूरची पातळ भाजी ही पौष्टिक व पटकन बनणारी भाजी आहे. भाकरी किव्वा चपाती ह्याबरोबर खूप छान लागते, तर भातावर सुद्धा कालवून आमटी सारखी घेता येते! दुपारच्या जेवणासाठी अथवा डब्यात न्यायला देखील ही भाजी उत्तम पर्याय आहे.
मसूरची पातळ भाजी
#लंच
मसूरची पातळ भाजी ही पौष्टिक व पटकन बनणारी भाजी आहे. भाकरी किव्वा चपाती ह्याबरोबर खूप छान लागते, तर भातावर सुद्धा कालवून आमटी सारखी घेता येते! दुपारच्या जेवणासाठी अथवा डब्यात न्यायला देखील ही भाजी उत्तम पर्याय आहे.
अॅपमध्ये उघडाकुकिंग सूचना
- 1
प्रथम अख्खे मसूर स्वच्छं धुऊन, रात्रभर पुरेशा पाण्यात भिजत ठेवा. सकाळी उपसून व वेचुन घ्या.
- 2
एका पातेल्यात तेल गरम करून त्यात राई घाला. ती तडतडली की हिंग व कडीपत्त्याची पाने घाला.
- 3
लगेच त्यावर बारिक चिरलेला कांदा घालून पारदर्शक होई पर्यंत परतवून घ्या. मग त्यात आलं लसुण पेस्ट घालून परतवून घ्या.
- 4
आता हळद घालून एकजीव करा. बटाटा सोलून, पातळ तुकडे करून घ्या व कांद्यात घाला. थोडा पाणी घालून उकळा व झाकण ठेवून वाफ आणा.
- 5
आता मसूर घालून एकजीव करा व गरज असल्यास थोडे पाणी घाला. झाकून शिजत ठेवा.
- 6
मसूर शिजत आल़े की त्यात चिरलेला टोमॅटो व इतर सर्व मसाले घालून सारखे करा व पुन्हा झाकून शिजत ठेवा. गरज वाटल्यास थोडे गरम पाणी घाला.
- 7
पंजाबी गरम मसाल्यासाठी लवंग, दालचिनी, मिरी व हिरवी वेलची सम प्रमाणात घ्या व हलके कोरडे भाजून, मिक्सर वर बारिक पूड करून घ्या. भाजीत, गरजेपुरते वापरून उरलेली डब्यात भरा व बिर्याणी किव्वा पंजाबी जेवणात वापरा.
- 8
मसूर व बटाटे शिजले की मीठ घालून, वाटल्यास आणखी पाणी घालून दबदबीत रस्सा करून घ्या. गॅसची आंच बंद करून कोथिंबीर घालून सजवा.
- 9
दुपारच्या जेवणासाठी मसूरची ही पातळ भाजी गरम भाकरी किव्वा चपाती बरोबर वाढा. सोबत कांदा, लसुण चटणी व डाळ भात ही वाढा.
कूकस्नप्स
Similar Recipes
More Recipes
टिप्पण्या