குடை மிளகாயை சுத்தம் செய்து மேல் மற்றும் கீழ் உள்ள பாகங்களை வெட்டி எடுத்து விடவும்.

பிறகு உள்ளே உள்ள விதைகளை நீக்கி கொஞ்சம் உயரத்தில் ரிங் போன்று வெட்டிக் கொள்ளவும்.

ஒரு பாத்திரத்தில் முட்டையை உடைத்து ஊற்றி கலக்கிக் கொள்ளவும்.

அதோடு பொடிதாய் நறுக்கிய பனீர் மசித்து வைத்த உருளைக்கிழங்கு மசாலா பொருட்கள் உப்பு மற்றும் நறுக்கிய மல்லித் தழை சேர்த்து நன்றாக கலக்கவும்.

தவாவில் எண்ணெய் ஊற்றி குடை மிளகாய் ரிங்கை வைத்து தயார் படுத்தி வைத்துள்ள பனீர் கலவையை நன்கு இருக்கமாக வைத்து கரண்டியால் அழுத்தம் கொடுக்கவும்.

இவ்வாறாக மூடி போட்டு ஒரு புறம் வெந்ததும் மறு புறம் திருப்பிப் போட்டு எடுத்து வைக்கவும்.

க்ரைவி செய்முறை : கடாயில் ஒரு தேக்கரண்டி எண்ணெய் ஊற்றி காய்ந்ததும் பிரியாணி இலை போடவும்.

பிறகு மெல்லிதாய் நறுக்கிய வெங்காயத்தை போட்டு பாதி வதங்கியதும் நறுக்கிய தக்காளி சேர்த்து 2 நிமிடங்கள் வேக விடவும்.

ஆறியதும் இலையை எடுத்து விட்டு வெங்காயம் தக்காளியை மிக்ஸியில் அரைத்துக் கொள்ளவும்.

அதே கடாயில் மீதமுள்ள எண்ணெய் மற்றும் நெய் ஊற்றி பட்டை கிராம்பு போடவும்.

இஞ்சி பூண்டு விழுது சேர்த்து 1 நிமிடம் வதக்கி அரைத்து வைத்த கலவை மசாலா பொருட்கள் உப்பு மற்றும் தேவையான அளவு தண்ணீர் சேர்க்கவும்.

இவ்வாறாக நான்கு நிமிடங்கள் கழித்து அரைத்து வைத்த முந்திரி பால் மற்றும் க்ரீம் சேர்த்து குறைந்த தணலில் ஒரு நிமிடம் வேக விடவும்.

தயார் செய்த பனீர் குடை மிளகாய்களை க்ரேவியில் மெதுவாக போட்டு மேலும் இரண்டு நிமிடங்கள் வேக விடவும்.

அடுப்பை அணைத்து நறுக்கிய மல்லித் தழை சேர்த்து சாப்பிடவும்.