ક્રીમી નટી એક્ઝોટિક સૂપ
#એનીવર્સરી
વાનગી :- સૂપ
નમસ્કાર મિત્રો.
આજે હાજર છું એક એવાં સૂપની રેસિપી લઈને કે જે ન કેવળ એક સૂપ માત્ર બની રહેતાં એક કમ્પ્લીટ મીલ તરીકે પણ ચાલે એવી ડીશ છે.
સૂપ માટે આપણને લોકોને એક એવી માન્યતા છે કે, સૂપ કાં તો એપિટાઈઝર તરીકે લેવાય ને કાં પછી એક સ્ટાર્ટર તરીકે જ. સૂપને એક કમ્પ્લીટ મીલ તરીકે તો માંદા માણસો જ લ્યે ! વળી, એવી પણ છાપ છે કે, સૂપ તો ટેસ્ટી, સ્પાઈસી અને હોટ જ હોય.
એકદમ માઈલ્ડ અને પ્રોમીનન્ટ ફ્લેવર્સવાળું આ સૂપ એક કમ્પ્લીટ મીલ તરીકે આદર્શ છે. બ્રોકોલી, સ્વીટકોર્ન, પોટેટો, પનીર, ચીઝ અને હલ્કા મસાલા આ સૂપને એક અલગ જ ટેસ્ટ આપે છે, તો કાજુ અને બદામને લીધે તેને રીચનેસ તેમજ ક્રીમી અને નટી ટેસ્ટ પણ મળે છે.
ક્રીમી નટી એક્ઝોટિક સૂપ
#એનીવર્સરી
વાનગી :- સૂપ
નમસ્કાર મિત્રો.
આજે હાજર છું એક એવાં સૂપની રેસિપી લઈને કે જે ન કેવળ એક સૂપ માત્ર બની રહેતાં એક કમ્પ્લીટ મીલ તરીકે પણ ચાલે એવી ડીશ છે.
સૂપ માટે આપણને લોકોને એક એવી માન્યતા છે કે, સૂપ કાં તો એપિટાઈઝર તરીકે લેવાય ને કાં પછી એક સ્ટાર્ટર તરીકે જ. સૂપને એક કમ્પ્લીટ મીલ તરીકે તો માંદા માણસો જ લ્યે ! વળી, એવી પણ છાપ છે કે, સૂપ તો ટેસ્ટી, સ્પાઈસી અને હોટ જ હોય.
એકદમ માઈલ્ડ અને પ્રોમીનન્ટ ફ્લેવર્સવાળું આ સૂપ એક કમ્પ્લીટ મીલ તરીકે આદર્શ છે. બ્રોકોલી, સ્વીટકોર્ન, પોટેટો, પનીર, ચીઝ અને હલ્કા મસાલા આ સૂપને એક અલગ જ ટેસ્ટ આપે છે, તો કાજુ અને બદામને લીધે તેને રીચનેસ તેમજ ક્રીમી અને નટી ટેસ્ટ પણ મળે છે.
કૂકપેડ એપ્પ માં ખોલોરાંધવાની સૂચનાઓ
- 1
કાજુ ને ૧ કલાક માટે પાણીમાં પલાળી લેવાં. તેને પાણી નિતારી લઈ એક બાઉલમાં અલગ રાખો.
- 2
એ જ રીતે બદામને પણ અલગથી પાણીમાં પલાળી રાખવી અને બાદમાં એક એક કરી, બે આંગળી વચ્ચે દબાવી તેની છાલ ઊતારી લેવી.
- 3
કાજુ અને બદામને મિક્સરની નાની જારમાં લઈ જરૂર પૂરતું જ પાણી ઊમેરી એકસાથે ગ્રાઈન્ડ કરી તેની એકદમ સ્મૂધ પેસ્ટ તૈયાર કરી લેવી. આ પેસ્ટને અલગ રાખવી.
- 4
કૂકિંગ વોકમાં ઓલિવ ઓઈલ ગરમ કરી તેમાં ડુંગળીને, મધ્યમ આંચ પર, ગુલાબી થાય ત્યાં સુધી સાંતળવી. તેમાં લસણની પેસ્ટ ઊમેરી ફરીથી બે મિનીટ માટે સાંતળી લેવું.
- 5
ત્યારબાદ તેમાં મકાઈ, બટેટા અને ગાજર, એક ચપટી મીઠું અને બે કપ પાણી ઊમેરી લગભગ વીસેક મિનીટ સુધી પાકવા દેવું. આમ કરવાથી બધાં જ શાક એકદમ સોફ્ટ થઈ જશે અને તેમાંનું પાણી પણ બળી ગયું હશે. આ મિશ્રણને થોડું ઠંડુ પડવા દેવું.
- 6
બીજાં એક વાસણમાં જરૂર પૂરતું પાણી લઈ તેમાં એક ચપટી ખાવાનો સોડા ઊમેરી પાણી ઉકાળવું. તેમાં બ્રોકોલીનાં ફ્લોરેટ્સ પાંચેક મિનીટ માટે બ્લાન્ચ કરવાં. આ ફ્લોરેટ્સને ગાળી લઈ તેનું પાણી નિતારવા માટે એક ચારણીમાં અલગ રાખવાં.
- 7
હવે એક મોટાં વાસણમાં શાકનું મિશ્રણ અને બ્રોકોલી (થોડાં ફ્લોરેટ્સ બચાવી રાખવાં) લઈ તેમાં વેજીટેબલ સ્ટોક, કાજુ-બદામની પેસ્ટ ઊમેરી હેન્ડ બ્લેન્ડરની મદદ વડે એકદમ સ્મૂધ મિશ્રણ તૈયાર કરવું.
- 8
આ સૂપને ફરીથી વોકમાં ટ્રાન્સફર કરી પાંચ-દસ મિનીટ માટે ધીમા તાપે ઉકાળવું. સૂપ તૈયાર થવા આવે ત્યારે તેમાં થોડું થોડું કરીને પનીર અને પ્રોસેસ્ડ ચીઝ ઉમેરવા. જરૂર લાગે તો હેન્ડબ્લેન્ડરની મદદથી ફરીથી તેને બ્લેન્ડ કરવું. એકદમ સ્મૂધ અને ક્રીમી સૂપ બનવું જોઈએ. બસ, ધીમી આંચ પર પાંચેક મિનીટ ઊકળવા દઈએ એટલે સૂપ તૈયાર. આ સૂપમાં એક અલગ જ ફ્લેવર માટે છેલ્લે એક ચમચો માખણ ઉમેરવું.
- 9
સર્વિંગ બાઉલમાં સૂપ કાઢી તેને બ્રોકોલી ફ્લોરેટ્સ, થોડું પાર્મેઝન ચીઝ, યેલો બેલપેપર જુલિયન્સ અને કોથમરીનાં પાન વડે ગાર્નિશ કરી ગરમાગરમ પીરસવું. આ સૂપની સાથે સ્ટીક-બટર, ગાર્લિક બ્રેડ કે બીજું કોઈપણ એક્ઝોટિક સ્ટાર્ટર સર્વ કરી શકાય.
- 10
આ સૂપની રિચનેસ વધારવા તેમાં પાર્મેઝન ચીઝનો ઉપયોગ કરેલો છે, તો વળી તેને થીક અને ક્રીમી બનાવવા માટે બટેટા પણ વાપરેલાં છે. તમે ચાહો તો થોડાં ગ્રીન પીઝ પણ વાપરી શકો છો.
આ જ સૂપને વીગન એટલેકે ડેરી ફ્રી ટચ આપવા માંગતા હોવ તો ડેરી ચીઝને બદલે ન્યુટ્રિશનલ યીસ્ટનો ઉપયોગ પણ કરી શકાય. તેનું માપ બન્ને ચીઝનાં પ્રમાણનું જ રાખવું. (૨૦૦ ગ્રામ.)
Keywords
Similar Recipes
More Recipes
ટિપ્પણીઓ