सर्वात आधी दोन मोठे कांदे उभे बारीक चिरून कढईत तेलात कुरकुरीत तळून घ्या. हे बाजूला ठेवा.

उरलेला एक कांदा बारीक चिरून घ्या, टोमॅटो बारीक चिरा. बटाट्याच्या फोडी करून घ्या. कोळंबी स्वच्छ धुवून घ्या. आले लसूण मिरची कोथिंबीर ठेचून घ्या.

आता कढईतले तेल काढून फक्त 2 टेबलस्पून तेल ठेवा. ह्या तेलात आख्खा गरम मसाला, आले लसूण मिरचीचा ठेचा(वाटण करू शकता, पण मला ठेचलेला आवडतो म्हणून मी तसाच घातला.) घाला आणि चांगले तळून घ्या.

कढईत कांदा घालून लालसर तळून घ्या. त्यांनतर टोमॅटो आणि बटाट्याच्या फोडी घाला. सर्वात शेवटी कोळंबी घालून ५ मिनिटे परतून घ्या.

आता लाल तिखट, हळद, मीठ, जिरेपूड, धणेपूड, गरम मसाला पावडर घालून मिक्स करा. ५ मिनिटे झाकण ठेवून शिजवून घ्या. जास्त शिजवू नका.

साधारण शिजल्यावर त्यात दही आणि क्रीम घालून परतून घ्या आणि गॅस बंद करा.

एका बाजूला भांड्यात तांदूळ १५ मिनिटे भिजत ठेवा आणि अर्धा कच्चा (70%) शिजवून घ्या. अर्धवट शिजलेला भात एका चाळणीत उपसून घ्या.

एका मोठ्या भांड्यात आता बिर्याणीचे थर लावू. सर्वात आधी कोळंबी भाजी छा एक थर मग राईस मग थोडा तळलेला कांदा, पुन्हा कोळंबी भाजी, त्यावर राईस आणि वर तळलेला कांदा व कोथींबीर घाला.

भांड्यावर जड तवा ठेवून भांडे गॅस वर ठेवा, ५ मिनिटे मंद गॅसवर शिजू द्या. मग गॅस तवा ठेवून त्यावर हे भांडे झाकून ठेवा. आणि आणखी थोडावेळ indirect heat वर शिजू द्या.

गरमा गरम बिर्याणी सलाड, आणि फिश करी बरोबर सर्व्ह करा.