સૌપ્રથમ બધી સામગ્રી તૈયાર કરો. પહેલા મેંદાના લોટમાં છાસ નાખી આથો આવવા મૂકો. ૭ થી ૮કલાક આ ખીરાને પલાળી રાખવું. એટલે સરસ આથો આવી જશે.

આથો આવી જાય ત્યારબાદ ખીરામાં થોડો ઓરેન્જ ફૂડ કલર ઉમેરવું અને એક ચમચી ઘી પણ ઉમેરવું. ઘી ઉમેરવાથી જલેબી ક્રિસ્પી બને છે ત્યારબાદ ખીરા ને હલાવી લેવું. ત્યારબાદ એક પ્લાસ્ટિકની બેગ લઈ તેમાં આ ખીરાને ભરી દેવું. એક નાનું એવું હોલ કરી લેવું. આ પ્લાસ્ટીક બેગમાં ખીરું ભરી તેના ઉપર રબરથી બેગ ને પેક કરી દો.

જલેબીને તળો એ દરમ્યાન ખાંડની ચાસણી બનાવી લેવી. ખાંડની ચાસણી બનાવવા માટે સૌપ્રથમ સામગ્રી તૈયાર કરો ત્યાર બાદ ધીમા ગેસ પર એક તપેલું લઇ તેમાં ખાંડ નાખી છે થોડું પાણી નાખી ખાંડ ઓગળી જાય ત્યાં સુધી એકદમ ધીમા ગેસ પર હલાવો. ખાંડ ઓગળી જાય ત્યારબાદ તેમાં ઓરેન્જ ફૂડ કલર ઉમેરો. એક તાર જેવી આછી ચાસણી લેવી. તો તૈયાર છે જલેબી ની ચાસણી.

ખાંડ ની ચાસણી થઈ જાય ત્યારબાદ આ ચાસણીમાં બધી જલેબી ડીપ કરીને એક સર્વિંગ પ્લેટમાં તૈયાર કરો. જલેબી ની ઉપર બદામની કતરણથી સજાવટ કરો. તો તૈયાર છે આપણી જલેબી. આથાવાળી જલેબી સ્વાદમાં ખૂબ જ યમ્મી લાગે છે.