அடுப்பில் கடாய் வைத்து 750மில்லி தண்ணீர் சேர்த்து எலும்புகள் இல்லாத சிக்கன், மிளகு, சீரகம், நாலாக நறுக்கிய ஒரு வெங்காயம், தட்டிய பூண்டு பற்கள்,இஞ்சி சேர்த்து கொதிக்க வைக்கவும். உப்பு தேவைக்கேற்ப சேர்த்து கொள்ளவும்.

சிக்கன் நன்றாக கொதித்து வெந்ததும் எடுத்து வடிகட்டி கொள்ளவும். பின் சிக்கன் துண்டுகளை எடுத்து சின்னச்சின்னதாக பிச்சுக்கொள்ளவும்.வடித்த தண்ணீரை தனியாக எடுத்து கொள்ளவும்.

பின் அடுப்பில் கடாய் வைத்து எண்ணெய் விட்டு காய்ந்ததும் நறுக்கிய பச்சை மிளகாய், துருவிய இஞ்சி, பூண்டு,சேர்த்து வதக்கவும்.

பிறகு துருவிய கேரட் சேர்த்து வதக்கவும். உப்பு தேவைக்கேற்ப சேர்த்து கொள்ளவும். பின் வேகவைத்து பிச்சிவைத்திருந்த சிக்கன் வெங்காயம், பூண்டு பற்களை சேர்க்கவும். மிளகு, சேர்க்கவும்.

பின் வடிகட்டி வைத்திருந்த தண்ணீரை சேர்த்து கொதிக்க விடவும். தக்காளி விழுது, ரெட்சில்லி சாஸ்,மஞ்சள் தூள் சேர்த்து கொதிக்க விடவும்.

நன்றாக கொதித்ததும் சோளமாவை தண்ணீரில் கரைத்து சேர்த்து கிளறி விடவும். முட்டையின் வெள்ளைக்கருவை சேர்த்து கிளறி விடவும்.