एका भांड्यात बेसन, शेंगदाण्याचा कुट, हळद, लाल तिखट आणि चवीनुसार मीठ घालावे. साधारण २ वाट्या पाणी घालून मिक्स करावे.

एका कढईत तेल गरम करून त्यात चीमुठभर हिंग आणि आलं लसूण पेस्ट घालून फोडणी करावी. गॅस बंद करून कोथिंबीर घालून मिक्स करावे. बेसनचे मिश्रण घालून मिक्स करावे. गॅस चालू करून मंद आचेवर ढवळत राहावे.

मिश्रण चांगले एकजीव होऊन भाजले गेले आणि त्याचा गोळा झाला की गॅस बंद करून हे मिश्रण गरमच तेल लावलेल्या कंटेनर मध्ये काढून घ्यावे. तेलाच्या हाताने समान थापून घ्यावे.

थंड झाल्यावर त्याच्या वड्या पाडून घ्याव्यात. तेल गरम करून खरपुस तळून घ्यावेत.

टीश्यु पेपर वर काढून घ्यावे. सर्व्ह करावे.