मुगाची डाळ स्वच्छ धुवून घेणे.डाळ बुडेल इतपत पाणी टाकुन कुकरला लावणे, एक शिट्टी मोठ्या गॅसवर करणे व गॅस सिम करून दुसरी शिट्टी करून गॅस बंद करणे.

ओट्स थोडेसे भाजून घेणे म्हणजे ते चुरले जातात.गाजर किसून घेणे. सिमला मिरची व कोथिंबीर बारीक चिरून घेणे.कॉर्न घेणे.

कुकर थंड झाल्यावर डाळ काढणे. थोडेसे मळून घेणे.त्यात सिमला मिरची, गाजर,कॉर्न, कोथिंबीर कांदा,भाज्या टाकणे. हळद, तिखट,गरम मसाला, हिरवी मिरची पेस्ट चवीपुरते मीठ व भाजलेले 70 ग्रॅम ओट्स टाकून मिश्रण तयार करणे.

मिश्रणाचा मिडीयम आकाराचा गोळा घेऊन त्याला गोल किंवा हार्ट शेप देणे. एका डिश मध्ये दूध घेणे व एका डिश मध्ये ओट्स घेणे. मी कटलेटना हार्ट शेप दिला.ते दुधात बुडवून घेणे व भाजून बारीक केलेल्या ओट्स मध्ये घोळवून थोडासा दाब देणे ओट्स चिकटतात.

गॅसवर पॅन ठेवणे. कटलेट्स ठेवून त्याच्या भोवतीने तेल टाकून शॅलो फ्राय करणे. खमंग भाजून झाल्यावर प्लेट मध्ये काढणे. ही डिश खास डायबिटीस लोकांसाठी स्पेशल आहे.ते देखील कटलेटचा आनंद घेऊ शकतात. तर अश्या रीतीने अत्यंत चविष्ट, हेल्दी,भरपूर व्हिटॅमिनयुक्त डिश तयार केली. चला या टेस्ट करायला....सोबत टोमॅटो सॉस देणे.हिरव्या चटणी बरोबर ही सुरेख लागतात..