आता मिक्सर मध्ये हिरव्या मिरच्या, आले लसुण, कोथिंबीर बारीक करून वाटण तयार करून घ्या. (हे प्रमाण दिलेल्या प्रमाणापेक्षा दुप्पट घ्या.) तयार वाटण थोडे पापलेट ला लावून घ्या.

आता भरलेले पापलेट फ्राय साठी आतल्या सारणासाठी वाटण तयार करू. मिक्सर मध्ये राहिलेल्या वाटणात भाजलेले खोबरे व ओले खोबरे थोडे पाणी घालून जाडसर वाटून घ्या. वाटण पातळ नाही करायचे या कडे लक्ष द्या. एका पॅनमध्ये 2 टी स्पून तेल गरम करून तयार सारणाचे वाटण घालून व्यवस्थित परतून घ्या. परतून झाल्यावर त्यात 1 टि स्पून घरगुती गरम मसाला, हळद, मसाला मीठ घालून 5 मिनिटे मसाला शिजवून घ्या. मीठ घालताना लक्षात असू द्या की आपण आदी पापलेट ला थोडे मीठ चोळून ठेवले आहे. वाटण कोरडे होई पर्यंत मध्यम आचेवर परतून घ्या.

सारण तयार झाल्यावर त्याला पूर्ण थंड करून पापलेट च्या पोटाकडील भागात भरून घ्या. अगदीच जास्त गच्च भरू नये.

छान भारलेले पापलेट फ्राय सर्व्ह करा.