એક ઊંડી કડાઈમાં મીઠુ નાંખી ફેલાવી દો. જાળી વાળુ સ્ટેન્ડ રાખો અને તેને ઢાંકીને ગરમ થવા દો. આ રીતે પિઝાના રોટલાને શેકતા પહેલા કડાઈને પ્રિહીટ કરી દો. શેકાયેલા નમકને તમારે ફેંકવાની જરૂર નથી. તમે તેનો બીજીવાર પણ યુઝ કરી શકો છો.

એક બાઉલ કે વાસણમાં દહીં, નાની ચમચી નમક, મેંદો, બેકિંગ પાઉડર, બેકિંગ સોડા અને તેલ નાંખી સોફ્ટ લોટ બાંધો. ખાસ ધ્યાન રાખો કે લોટ કડક નહિ પણ સોફ્ટ હોય.

મેંદાના લોટના લૂઆ પાડીને તેના પર સૂકા મેંદાનું અટામણ લઈને તેને વણી લો. રોટલો બહુ પતલો વણવાને બદલે તેને જાડો જ રાખો. ત્યાર પછી કાંટાથી નાના નાના કાણા પાડી દો જેથી તે ફૂલે નહિં.