નમકીન કાજુ બનાવવા માટે એક બાઉલમાં મેંદો,મીઠું જીરું,મરી પાઉડર અને ઘી ઉમેરી બરાબર મિક્સ કરવું.(મુથી પડતું મોણ નાખો) ત્યારબાદ પાણી થી લોટ બાંધો.

લોટને પંદરથી વીસ મિનિટ રેસ્ટ આપો. ત્યારબાદ તેમાંથી એક મોટો લૂઓ લઈ રોટલો વણવો.(થોડો જાડો રાખવો)

હવે નોઝલ ની મદદથી સેમી સર્કલ શેપ આપો. આ રીતે બધા કાજુ તૈયાર કરવા.

ત્યાર બાદ ગરમ તેલમાં મીડીયમ તાપે ક્રિસ્પી થાય ત્યાં સુધી તળવા.

એક બાઉલમાં કાશ્મીરી લાલ મરચું, સંચળ, મરીપાઉડર, ચાટ મસાલો શેકેલું જીરૂ પાઉડર, ફુદીનાનો પાઉડર મિક્સ કરી મસાલો તૈયાર કરો.

તળેલા કાજુ પર તૈયાર કરેલો મસાલો છાંટી બરાબર મિક્સ કરો. ઠંડુ થાય ત્યારબાદ એરટાઈટ કન્ટેનરમાં ભરી લો.

તો તૈયાર છે નમકીન કાજુ