प्रथम गॅसवर एका पॅनमध्ये दूध गरम करायला ठेवावे. दूध मंद आचेवर उकळायला ठेवावे. दोन-तीन मिनीटांनी सतत ढवळत रहावे म्हणजे दूध खाली तळाला लागणार नाही. दूध अगदि घट्टसर झाल्यावर सतत ढवळत रहावे व छान गोळा होत आला की गॅस बंद करावा. पॅनमध्ये खवा लागायला नको म्हणून मी ते कढईत काढून घेतले.

कढईत परतून-परतून खवा तयार करून घ्यावा. संत्री स्वच्छ धुवून घ्यावीत. त्याची साले काढून पाकळयांमधील बीया व साल काढून फक्त गर काढून घ्यावा. आता सर्व साहित्य वाटी मध्ये काढून घ्यावे. गॅसवर एका कढईत संत्र्याचा गर घालून चांगला परतून घ्यावा.

त्यातील सर्व पाणी आटले की त्यात खवा घालावा. छान मीक्स करून घ्यावे. आता त्यात मिल्क पावडर घालावी.

मिल्क पावडर मीक्स करून त्यात ड्रायफ्रूट्सची पावडर व साखर घालावी. चांगले परतून घ्यावे. दोन ड्राॅप ऑरेंज फूड कलर घालून मिश्रण एकजीव करावे. कढईत मिश्रण गोळा होऊ लागले की गॅस बंद करावा.

मिश्रण वाटी मध्ये काढून घ्यावे. थंड होण्यासाठी एका प्लेट मध्ये काढून घ्यावे. एका प्लेट मध्ये डेसीकेटेड कोकनट पसरवून घ्यावे.

पाच ते दहा मिनीटात मिश्रण थंड होते. थंड झाल्यावर त्याचे हवे त्या आकाराचे गोळे करून गोल गरगरीत लाडू वळून घ्यावेत. वळलेले लाडू डेसीकेटेड कोकनट मध्ये घोळवून घ्यावेत. पेपर द्रोण मध्ये ठेवून द्यावे.