प्रथम मीरच्या स्वच्छ धुवून कोरड्या करून घ्याव्यात. त्यात अजिबात ओलसरपणा नसावा. त्याचे तुकडे करून घ्यावे. गॅसवर एका लोखंडी कढईत तेल गरम करायला ठेवावे. त्यात मिरच्यांचे तुकडे घालून परतून घ्यावे.

थोड्या वेळाने त्यात लसूण पाकळ्या, जीरे व शेंगदाणे घालून छान परतून घ्यावे. खरपूस भाजले गेले की मीरचीचा ठसका लागायला सुरुवात होते. आता गॅस बंद करावा.

भाजलेले साहित्य वाटी मध्ये काढून घ्यावे. मिरचीचा ठेचा हा पाट्यावर वाटतात किंवा दगडी रगड्यात वाटतात. मी मात्र चिली कटरमध्ये वाटून घेतला आहे.