સૌપ્રથમ ડ્રાય ફુટના નાના ટુકડા કરી લો. ખજૂરને મીક્સર માં પીસી લો. એક ચમચી ઘી પેનમાં ગરમ કરો અને એમાં ડ્રાયફ્રુટ ને શેકી લો શેકાઈ જાય પછી બહાર કાઢી લો.

બીજી એક ચમચી ઘી ઉમેરી એમાં પીસેલી ખજૂરને એક બે મિનિટ માટે મિક્સ કરી લો પછી એમાં શેકેલા ડ્રાયફ્રુટ ઉમેરો અને એક ચમચી ખસખસ ઉમેરો અને બધું બરાબર મિક્સ કરી લો.

આપણે આ શેકવાનું નથી બસ બધું બરાબર મિક્સ થઇ જાય પછી ગેસ બંધ કરી લો અને આ મિશ્રણને એક પ્લેટમાં કાઢી લો. હવે એમાંથી થોડું થોડું મિશ્રણ લઈને નાના બોલ્સ બનાવી લો અને પછી ખસખસ માં બોલ્સ ને રગદોળી લો.

તો તૈયાર છે આપણા વિન્ટર સ્પેશિયલ એકદમ હેલ્થી ડ્રાય ફ્રૂટ ખજુર બોલ્સ. આ બોલ્સ ખાવા માં બહુ જ ટેસ્ટી લાગે છે. ડ્રાય ફ્રૂટ અને ખજૂર ને ઘી માં શેકવાથી એનો ટેસ્ટબહુ જ સરસ આવે છે.