એક પેનમાં ઘી લઇ તેમાં અખરોટનો પાઉડર ઉમેરો. તેને મીડીયમ તાપે કલર બદલાય ત્યાં સુધી શેકવો. લગભગ ત્રણેક મિનિટ થશે. પછી ગેસ બંધ કરી નાખો. હવે તેમાં તજ પાઉડર, ઈલાયચી પાઉડર, કોકો પાઉડર અને દળેલી સાકર ઉમેરો.

બધુ બરોબર મિક્સ કરી એક બાઉલમાં કાઢી લેવું. ઘુઘરા બનાવવા સૌ પ્રથમ મેંદો લઈ તેમાં ઘીનું મોણ નાખી બરાબર મિક્સ કરી પાણીથી પૂરી જેવો લોટ બાંધી દસ મિનિટ ઢાંકીને રહેવા દેવું. તેમાંથી નાના નાના લૂવા કરવા.

હવે પૂરી વણી તેમાં તૈયાર કરેલ પુરણ ભરો. પૂરીને બંધ કરી ઘૂઘરા ની કાંગરી પાડો. આ રીતે બધા ઘૂઘરા તૈયાર કરી લેવા અને ઈચ્છા મુજબ ઘુઘરા પર ગાર્નિશ માટે લવિંગ ભરાવો. એક પેણીમાં ઘી લઇ તૈયાર કરેલ ઘૂઘરા ધીમા તાપે તળવા.

તૈયાર થયેલ મીની વોલનટ કોકો ઘૂઘરાને સર્વિંગ પ્લેટમાં સજાવો. આવા સ્વાદિષ્ટ અને મનમોહક તેમજ નાના-મોટા સૌને ગમે તેવા ઘૂઘરાને ખાવાનો આનંદ માણો.