முதலில் 15 சின்ன வெங்காயத்தை தோல் உரித்து எடுத்துக் கொள்ள வேண்டும் பின்பு தேவையான பெரிய வெங்காயம் தக்காளி இஞ்சி பூண்டு ஆகியவற்றை தோல் உரித்து நறுக்கி எடுத்துக்கொள்ள வேண்டும்

இப்பொழுது ஒரு பாத்திரத்தில் 2 ஸ்பூன் எண்ணெய் சேர்த்து எண்ணெய் காய்ந்ததும் அதில் கடுகு சீரகம் சேர்த்து தாளிக்க வேண்டும் பின்பு அதில் நறுக்கி வைத்திருக்கும் வெங்காயம் பச்சைமிளகாய் வரமிளகாய் சேர்த்து நன்றாக வதக்க வேண்டும். வெங்காயம் நன்றாக வதங்கிய பின்பு அதோடு தக்காளியை நன்றாக அரைத்து சேர்க்க வேண்டும்.

இப்பொழுது ஒரு மிக்ஸி ஜாரில் இரண்டு ஸ்பூன் துருவிய தேங்காய் அதோடு நான்கு பல் பூண்டு சின்ன வெங்காயம் சிறிய துண்டு இஞ்சி ஒரு ஸ்பூன் கடுகு ஒரு ஸ்பூன் சோம்பு சிறிதளவு மஞ்சள் தூள் ஒரு ஸ்பூன் மல்லித் தூள் ஒரு ஸ்பூன் வத்தல் தூள்சேர்த்து தேவையான அளவு தண்ணீர் சேர்த்து நன்றாக அரைத்து எடுத்துக் கொள்ள வேண்டும்.

தக்காளி நன்றாக வதங்கிய பின்பு அதில் அரைத்து வைத்திருக்கும் மசாலாவை சேர்த்து அதன் பச்சை வாடை போகும் வரை வதக்கவும். நன்றாக வதங்கிய பின்பு அதில் ஒன்றரை கப் தண்ணீர் சேர்க்க வேண்டும். பின்பு மூடி வைத்து 10 நிமிடம் வேக விடவும்.

இப்போது சின்ன வெங்காயத்தை சிறு சிறு துண்டுகளாக நறுக்கி அதோடு சிறிதளவு தூள் மல்லிக்கீரை சிறிதளவு மஞ்சள் தூள் தேவையான உப்பு சேர்த்து அதோடு 2 முட்டையை சேர்த்து நன்றாக கலக்க வேண்டும்.

இப்பொழுது ஒரு பாத்திரத்தில் சிறிதளவு எண்ணெய் சேர்த்து அதில் கலக்கி வைத்திருக்கும் முட்டையை சேர்த்து வேகவைத்து எடுக்கவேண்டும் பின்பு அதை குழம்புடன் சேர்த்து மூடி வைத்து 5 நிமிடம் வேக விடவும்

தேவையான அளவு உப்பு சேர்த்துக் கொள்ளவும்.