સૌ પ્રથમ પનીર ની ગ્રેવી બનાવવા માટે ગેસ ચાલુ કરી તેના ઉપર એક તપેલી મુકી એક ચમચી તેલ નાખો. પછી ૨ કાપેલા કાંદા નાખો અને હલાવો.પછી તેમાં ૪ ટામેટા કાપેલા,હળદર,મીઠું,કાજુ બદામ નો ભુક્કો અને પાણી નાખી બધું બરાબર હલાવવુ અને ૫-૭ મિનિટ પકાવો.

પછી તેને મિકસરમાં પીસી લો.હવે એક પૅન અથવા કડાઇ લો. તેમાં તેલ મુકો જીરુ અને ૨ કાંદા કાપીને નાખો. તેને એકદમ બ્રાઉન થાય ત્યાં સુધી તળો. આદું મરચાં લસણ ની પેસ્ટ બનાવતી વખતે તેમાં એક ટામેટું નાખવું. કાંદા બ્રાઉન થઇ ગયા પછી તેમાં બનાવેલા પેસ્ટ નાખી હલાવો.

આદું મરચાં ની પેસ્ટ નાખ્યા પછી તેમાં દહીં, લાલ મરચું, મીઠું, ધાણા જીરુ, ગરમ મસાલો, કિચનકિંગ મસાલો નાખી હલાવો અને પકાવો. પછી તેમાં કાંદા ટામેટા ની પીસેલી પેસ્ટ ઉમેરો. ખૂબ સરસ રીતે હલાવવુ અને ઢાંકણ ઢાંકી પકાવો.જયાં સુધી ઉપર તેલ આવી જાય.

ઉપર તેલ આવી જાય પછી તેમાં પનીર ના ટુકડા ઉમેરો અને હલાવો. ૫ મિનિટ સુધી પાકવા મિનિટ પાકવા દો. ૫ મિનિટ પછી કોથમીર કાપીને નાખો અને ગરમાગરમ પીરસો. તમારા મનપસંદ રોટલી, ભાત કે પરાઠા સાથે ખાયને મજા લો.