રીંગણ નું ભરથું બનાવવા સૌપ્રથમ એક મોટું ફ્રેશ રીંગણ લો. રીંગણ ને ૨-૩ વખત પાણીથી સારી રીતે ધોઈ લો. ત્યારબાદ એક કપડાથી સાફ કરી લો. હવે રીંગણમાં
ચપ્પુ વડે વચ્ચેથી એક કાપો પાડો અને બધી બાજુ તેલ લગાડી દો. હવે રીંગણ ને ધીમી આંચ પર બધી બાજુ ગોળ ગોળ ફેરવી ને સારી રીતે શેકી લો.

હવે રીંગણ ને થોડું ઠંડુ થવા દો. ત્યારબાદ રીંગણ ની છાલ કાઢીને મેશ કરી લો. હવે એક કઢાઈમાં તેલ ગરમ મુકો. તેલ ગરમ થઇ જાય એટલે રાઈ ઉમેરો. રાઈ તતડી જાય એટલે જીરુ ઉમેરો. જીરુ હલકું બ્રાઉન સેકાય જાય એટલે લસણ, લીલા મરચા અને કળી પત્તા ઉમેરો.

હવે ડુંગળી ઉમેરો. ડુંગળીને થોડીવાર સેકાવા દો. ડુંગળી હલકી બ્રાઉન શેકાઈ જાય એટલે ટામેટાં ઉમેરો. હવે બધું બરાબર મિક્સ કરીને થોડીવાર સેકાવાદો. ટામેટા ચડી જાય પછી એક પછી એક બધા મસાલા ઉમેરો. હવે સ્વાદ અનુસાર મીઠું અને ખાંડ ઉમેરીને બધું બરાબર મિક્સ કરીને થોડીવાર સેકાવાદો.

હવે મેશ કરેલા રીંગણ નું મિક્સર ઉમેરો. હવે ફરીથી વધુ બરાબર મિક્સ કરી થોડીવાર થવા દો. હવે ઝીણા સમારેલા લીલા ધાણા ઉમેરો.