குக்கரில் எண்ணெய், நெய் ஊற்றி சூடானதும் பிரியாணி இலை, பட்டை, நட்சத்திர சோம்பு, ஏலக்காய், கிராம்பு சேர்த்து பொரிக்கவும். நீளவாக்கில் நறுக்கிய வெங்காயத்தை சேர்த்து பொன்னிறமாகும் வரை வேகவிடவும். இடையே, இஞ்சி பூண்டு விழுது சேர்க்கவும். பிறகு, தக்காளி சேர்த்து கிளறி நன்றாக வேகவிடவும். 

நன்றாக வதங்கியதும் புதினாஇலை, கொத்தமல்லிஇலை சேர்த்து வதக்கவும். பின்னர், மஞ்சள் தூள், மிளகாய்த்தூள், கரம் மசாலா சேர்த்து பச்சை வாசனை போகும்வரை வதக்கவும்.

வதங்கியதும் தயிர் சேர்த்து கிளறவும். தண்ணீரில் அரை மணி நேரம் ஊற வைத்த பாசுமதி அரிசி, 4 டம்ளர் தண்ணீர் சேர்த்து, உப்பு சேர்த்து கிளறி மூடி போட்டு மிதமான தீயில் ஒரு விசில் விட்டு வேகவிட்டு இறக்கவும்.