प्रथम चुरमुरे साफ करून घ्यावेत व ते पोह्याप्रमाणे भिजत घालावेत. पण भिजवताना सावकाश भिजवावेत.नंतर कांदा बारीक चिरून घ्यावा, मिरची, कोथिंबीर बारीक चिरून घ्यावी. कढईत तेल गरम करून त्यामध्ये प्रथम शेंगदाणे तळून बाजूला काढावेत. फोडणीचे साहित्य घालावे.कडीफत्ता व हिरवी मिरचीचे काप घालावेत.

नंतर कांदा घालावा २-३ मि. परतवून टोमॅटो घालावे तेही२ मि.परतवून त्यामध्ये हळद,मीठ घालावे. भिजवलेले चुरमूरे घालावेत, साखर घालावी. सर्व मिश्रण हलवावे. व्यवस्थित परतून झाले की वरून थोडे तळलेले शेंगदाणे व कोथिंबीर घालावी.पुन्हा सर्व हलवावे. सर्व्ह करताना डिशमध्ये सुसला काढून त्यावर उरलेले तळलेले शेंगदाणे व कोथिंबीर घालून सजवावे.