આચારી મિક્સ સબ્જી બનાવવા માટે સૌ પ્રથમ એક મોટા બાઉલમાં પાણી ઉમેરીને રીંગણ,બટાકા સમારી લો. પાણીમાં રાખવાથી રીંગણ બટાકા કાળા નહિ પડે.હવે એક કડાઈમાં તેલ ઉમેરો. તેલ ગરમ થઈ જાય એટલે રાઈ ઉમેરો. રાઈ તતડી જાય એટલે જીરું ઉમેરો. જીરું શેકાઈ જાય એટલે લસણ અને લીલા મરચા ઉમેરો. હવે સમારેલા રીંગણ બટાકા ઉમેરો.

હવે એક પછી એક બધા મસાલા ઉમેરો. હવે આચારી મસાલો અને સ્વાદ અનુસાર મીઠું ઉમેરીને બધું બરાબર મિક્ષ કરી લો. હવે આમાં ૧ કપ પાણી ઉમેરો.

હવે ૨ ચમચી ગોળ ઉમેરી બધું બરાબર મિક્સ કરીને ૧૦ મિનિટ ઢાંકીને ધીમી આંચ પર શાકને ચઢવા દો. ૧૦ મિનિટ પછી ઢાકણ ખોલીને સમારેલા ટામેટા ઉમેરો. હવે ફરીથી બધું બરાબર મિક્સ કરીને ટમેટાને ૪-૫ મિનિટ થવા દો. જેથી ટામેટાં શાક માં બરાબર ચડી જાય. આપણી આચારી મિક્સ સબ્જી બનીને તૈયાર છે.