બટાકાને બરાબર ધોઈને જ બાફવા મુકો. કેમ કે આ વાનગીમાં બટાકાની છાલ કાઢવાની નથી. ૨ થી 3 વહીસલ લગાવો. એ મૂક્યા બાદ એક બાઉલમાં મેંદો અને કોર્ન ફ્લોરની સ્લરી બનાવો.

પછી એક બાઉલમાં મેયોનિઝ, ચિપોટલે સોસ,ચીલી ફ્લેક્સ,મિક્સ હર્બ,મીઠું અને પેરી પેરી મસાલા લઈ મિક્સ કરી લો અને જરૂર મુજબ થોડું પાણી નાખી સેમી લિકવિડ કેજન સોસ બનાવી લો.

કુકર ઠંડુ પડે એટલે બટાકા ને કાઢી લઈ ૨ થી ૩ મિનિટ ઠંડા પડવા દો. પછી તેને ચોપિંગ બોર્ડ પર લઈ એક ચમચો અથવા હાથની મદદ થી દબાવી દો. બટાકાની છાલ કાઢવી નહિ.

તેલ ગરમ કરવા મુકો. બટાકાને મેંદાની સ્લરીમાં ડીપ કરીને ધીમી આંચ પર લાઈટ બ્રાઉન થાય ત્યાં સુધી તળી લો. તેને સર્વિંગ પ્લેટ માં લઇ લો. આપણે બનાવેલા કેજન સોસથી એ બટાકાને તૈયાર કરો અને તેના પર પેરી પેરી પાઉડર, ડુંગળી અને ધાણા થી ગાર્નિશીંગ કરો.