கோதுமை மாவு, மைதா மாவு, உப்பு, எண்ணெய் சேர்த்து கலந்து கொண்டு அதில் சிறிது சிறிதாக தண்ணீர் சேர்த்து பிசைந்து கொள்ளவும். சப்பாத்தி மாவு போல் பிசைந்து அதன் மீது எண்ணெய் தடவி மூடி 30நிமிடம் ஊற விடவும். (கடையில் மைதா மட்டுமே பயன் படுத்துவர்).

பின்னர் சிறு உருண்டையாக பிரித்து சப்பாத்தி போல் மெலிதாக தேய்த்து தோசைக்கல்லில் இரு புறமும் 1நிமிடம் சுட்டு தேவையான சப்பாத்தியை போட்டு கொள்ளவும். சப்பாத்தி நிறம் மாற வேண்டாம்.

தக்காளியை அரைத்து எடுத்து கொள்ளவும். வாணலியில் எண்ணெய் மற்றும் பட்டர் சேர்த்து சூடானதும் தக்காளி விழுது, உப்பு சேர்த்து நன்கு பச்சை வாசம் போகும் வரை வதக்கவும்.

பின்னர்மஞ்சள் தூள், தனியா தூள், சீரகத்தூள், காஸ்மீரி ரெட் சில்லி, கரம் மசாலா சேர்த்து நன்றாக வதக்கவும். தண்ணீர் வற்றி எண்ணெய் பிரிந்து வரும் வரை வதக்கவும்.

பின்னர் பாவ் பஜ்ஜி மசாலா சேர்த்து வதக்கவும். பின்னர் 1/2கப் தண்ணீர் சேர்த்து கொதிக்க விடவும். பின் சாட் மசாலா சேர்த்து வதக்கவும். பின்னர் வெட்டி வைத்துள்ள பன்னீர் சேர்த்து 2நிமிடம் வதக்கவும். பின்னர் பொடியாக நறுக்கிய கொத்த மல்லி தூவி இறக்கவும்.

லேசாக சுட்டு வைத்த சாப்பாத்தியை மீண்டும் எண்ணெய் சேர்த்து இருபுறமும் நிறம் மாறும் வரை சுட்டு எடுக்கவும். அதன் மேல் கிரீன் சட்னி அல்லது தக்காளி சாஸ் தடவவும். அதன் மேல் பன்னீர் மசாலா வைத்து அதன் மேல் நீள வாக்கில் நறுக்கிய வெங்காயம், முட்டைக்கோஸ், விரும்பினால் குடை மிளகாய் சேர்க்கவும். அதன் மேல் பிராங்கி மசாலா தூவவும்.

பிராங்கி மசாலா (1ஸ்பூன் சாட் மசாலா +1/4ஸ்பூன் கரம் மசாலா +1/2ஸ்பூன் மிளகாய் தூள் +1/4ஸ்பூன் சீரகத்தூள் +1/2ஸ்பூன் தனியா தூள் +1/4ஸ்பூன் மிளகுத்தூள்) கலந்து வைத்துக் கொள்ளவும்.

பிராங்கி மசாலா தூவி சப்பாத்தியை பட்டர் பேப்பர் கொண்டு சுருட்டி வைக்கவும். சுவையான ஹெல்த்தி பன்னீர் பிராங்கி தயார்.