பன்னீரை சிறிய க்யூபாக நறுக்கி ஒரு பவுலில் சேர்த்து மஞ்சள் தூள், மிளகாய் தூள், உப்பு சிறிதளவு இஞ்சி பூண்டு விழுது சேர்த்து கலந்து விட்டு 10 நிமிடம் அப்படியே மூடி வைத்து விடவும்.

பிறகு கடாயில் எண்ணெய் அல்லது நெய் விட்டு பன்னீர் ஐ லேசாக டோஸ்ட் செய்து தனியாக எடுத்து வைக்கவும்.

அதே கடாயில் எண்ணெய் மற்றும் நெய் விட்டு பட்டை, கிராம்பு, ஏலக்காய், சோம்பு சேர்த்து வதக்கி வெங்காயம் சிறிதாக நறுக்கியது சேர்த்து வதக்கவும்.

வெங்காயம் கண்ணாடி பதம் வந்ததும் இஞ்சி பூண்டு விழுது சேர்த்து வதக்கவும். தக்காளியை மிக்ஸியில் பேஸ்ட் போல் அரைத்து எடுத்து கொள்ளவும்.

இஞ்சி பூண்டு பச்சை வாசனை போனதும் மஞ்சள் தூள், உப்பு, மிளகுத்தூள்,சீரகத்தூள், கரமசாலா, மல்லி தூள், காஷ்மீர் மிளகாய்த்தூள் சேர்த்து வதக்கி தக்காளி பேஸ்ட் சேர்த்து கலந்து விடவும்.

மசாலா ஒன்று சேர்ந்து கொதித்து எண்ணெய் பிரிந்து வரும் போது தயிர் சேர்த்து கலந்து விட்டு தண்ணீர் 1/2 டம்ளர் தண்ணீர் ஊற்றி உப்பு காரம் சரிபார்த்து கொள்ளவும்.

நன்கு எண்ணெய் பிரிந்து வரும் வரை மூடி வைத்து கொள்ளவும்.பிறகு இதில் டோஸ்ட் செய்த பன்னீர் துண்டுகளை சேர்த்து கலந்து விடவும்.

சிறிது நேரம் மூடி வைத்து எண்ணெய் பிரிந்து வந்ததும் கொத்தமல்லி தூவி விடவும்.கசூரி பேத்தி கைகளால் கசக்கி சேர்த்து கலந்து விட்டு இறக்கவும்.

சூப்பரான சுவையான தாபா ஸ்டைல் பன்னீர் கிரேவி தயார். நன்றி