முதலில் 3 கப் பச்சரிசி மற்றும் 1 கப் கடலை பருப்பை சுத்தம் செய்து 2 மணி நேரம் ஊற வைக்கவும். பிறகு ஊறிய அரிசியை தண்ணீரை வடித்து, ஒரு துணியில் உலர்த்தி 15 நிமிடங்களுக்கு நில காய்ச்சலில் காய விடவும்.

ஈரமில்லாமல் உலர்ந்த அரிசியை மிக்ஸி ஜாரில் போட்டு நன்றாக அரைத்து சலித்து எடுக்கவும். அந்த மாவை இட்லி பாத்திரத்தில் வைத்து அவிக்கவும்.

பிறகு ஊறவைத்த கடலைப் பருப்பை குக்கரில் வைத்து மூன்று விசில் விட்டு வேகவைத்து எடுத்து, தண்ணீரை வடித்து, இரண்டு ஏலக்காயுடன் சேர்த்து மிக்ஸியில் நன்றாக அரைத்து எடுக்கவும்.

பிறகு அவித்த மாவில், சிறிதளவு உப்பு மற்றும் எண்ணெய் சேர்த்து கொதிக்க வைத்த தண்ணீர் சேர்த்து நன்றாக பிசையவும்.

வாணலியில் துருவிய தேங்காய், அரைத்த கடலைப்பருப்பு மற்றும் வெல்லப்பாகு சேர்த்து நன்றாக சுருள வதக்கி வைக்கவும். இனிப்பு பூரணம் தயார்.

பிசைந்து வைத்த பச்சரிசி மாவில் சிறு உருண்டைகளாக எடுத்து பிளாஸ்டிக் பேப்பர் அல்லது வாழையிலையில், எண்ணை தடவி வட்டமாக அழுத்தவும். மாவின் நடுவே ஒரு டேபிள் ஸ்பூன் பூரணம் வைத்து பேப்பரை அப்படியே மூடி விட்டு, எடுத்து ஓரங்களை அழுத்தி விடவும். அழகான பூரணக் கொழுக்கட்டை வேகவைக்க தயார்

இட்லி பாத்திரத்தில் தயார் செய்த கொழுக்கட்டைகளை வைத்து 15 நிமிடங்கள் வரை வேக விடவும். சுவையான விநாயகர் சதுர்த்தி ஸ்பெஷல் பச்சரிசி பூரண கொழுக்கட்டை தயார்.